Bangladesh-in Pakistan JF-17 Jet lei a duh

Bangladesh leh Pakistan air chief-ten inbiakna an neihah, Bangladesh hian Pakistan hnen aṭangin JF-Thunder fighter jet lei a duh niin an tarlang. Inbiakna hi Pakistan khawpui, Islamabad-a Air Headquarters-ah neih a ni.

JF-17 Thunder hi single-engine lightweight combat jet a ni a, China-a Chengdu Aircraft Corporation (CAC) leh Pakistan Aeronautical Complex (PAC) thawkdunin an siam a ni. Pakistan hian India nena an inbeih ṭum pawhin an hmang ṭangkai hle niin a sawi. Expert leh military official-te chuan nikum May 7-10 a Pakistan leh India inbeih ṭum khan, Pakistan hian Chian siam, Chengdu J-10 fighter jet a hmang nasa hle.

Islamabad-a ram pahnih air chief-te inbiaknaah hian thawh dunna tihchak dan turte sawiin, aerospace lamah training neih dan tur pawh sawi tel a nih thu Pakistan military media wing, Inter Services Public Relations (ISPR) a tarlang. Bangladesh-in JF-Thunder fighter jet an neih theih dan turte pawh an sawi tel a ni, a ti.