Australia-ah ram kang vangin building tam tak chhia

Australia ram chhim chhak lam, Victoria state-ah ram a kang nasa hle a, kangmei chhuak hian building eng emaw zat a kangchhe bawk a, mi pakhat a thi tawh bawk. Ram kang vang hian Inrinni khan thuneitute chuan state of disaster an puang a ni.

Virginia state-a kangmei chhuak hian ram hectare 300,000 chuanga zau a kang a, building 300 vel kang chhiain, heng zingah hian chenna in 70 chuang an tel. Police-te chuan state khawpui, Melbourne hmarlam, Longwood khaw bula ram kangah mi pakhat a kang hlum tih an sawi.

Ram kang ṭhelh tur hian ram chhung hmun hrang hranga kangṭhelhtute koh an ni a, Australia prime minister Anthony Albanese chuan Canada leh US ram hruaitute biain, puihna a dil tur thu a sawi bawk.

Australia ramah hian khua a lum vanglai tak niin, Victoria state lum lam pawh hi 40°C a tling a ni. Khaw lum leh thli ro tleh hian ram kang a thlen fo a ni.