Drone chungchang sawifiah turin NKorea-in SKorea a phut

North Korea chuan an ṭhenawm ram, South Korea chu NKorea ram chinah drone thlawh luh tirah a puh a, hemi chungchang hi sawifiah turin an phut tih nimin khan an tarlang.

NKorea chuan tun thla tir lamah SKorea ramri, Ganghwa county aṭangin NKorea-a Kaesong khawpuiah SKorea hian drone a thlawh luh tir niin a sawi a, hei hi lo kap thlain a thlalak nia an sawite pawh an pholang bawk.

Hetih lai hian SKorea chuan NKorea puhna hi a pha thung a,Defence Ministry chuan he drone hi an sipaite hman ang chi pawh a ni lo tih a sawi. He thil thleng chungchang NKorea lamin a sawi dan pawh an chhui chian thu leh, drone thlawh luh hun lai nia a sawiah hian unmanned aerial vehicles engmah an khawih loh thu an sawi a ni. President Lee Jae Myung chuan NKorea puhna chungchang hi joint-police investigative team chhui tir turin thupek a tichhuak a ni. Sipai lamin an thlawh tir a nih loh avangin civil mite tih a ni thei tih an sawi a, hei hi Korean Peninsula leh an ram security tiderthawng thei a nih vangin pawikhawihna lian tak a nih thu a tarlang.