Argentina-ah ram hectare 12,000 dawna zau kang

Argentina chhim lamah ram kang nasa tak a thleng mek a, ram hectare 12,000 dawn a zau a kang tawh. Ram kanna bula khaw chhung mite dinhmun pawh a hlauhthawnawm tawh niin thuneituten an sawi.

Chubut province-a Andean bial ram ngaw hi kar liam ta aṭang khan a kang tawh a, a kan chhan tak hriat a la ni lo. Ṭhelh mih theih a la ni lo a, power plant leh sikul te pawh kangmeiin a kan kai mai a hlauhawm tawh a ni. Chubut governor Ignacio Torres chuan kangmei tichhuaktute chu zawn chhuah a, jail-ah tantir ngei an ni dawn tih a sawi a, kangmei chhuah dan hrilh thei hnenah lawmman, pesos mtkd 50 pek a tiam bawk.

Ram kang ṭhelh tur hian kangṭhelhtu 500 chuang tirh an nih thu chief of staff manuel Andorni chuan a sawi a, kangṭhelhna atan Armed Forces hmanruate pawh hman a ni bawk. Chile president Gabriel Boric chuan ram kang ṭhelh turin Argentina sorkar chu puih an inhuam thu a sawi.

Chubut province bakah Patognia bialah pawh ram a kang mek niin Federal Emergency Agency chuan a sawi.