Georgia PM hlui kum 5 tang turin hrem

Georgia ram prime minister hlui, Irakli Garibashvili chu dik lo taka sum la luta puh a nihna thubuaiah thiam loh chantir a ni a, kum nga tang turin hrem a ni. An ram pawisa, Georgian lari mtd 1 (USD 370,000) chawi turin tih a ni bawk.

Prosecutor Office chuan PM hluiin dan dik lo taka sum a dawnte leh a chenna in dapnaa thil mante chu sorkarah thehluh vek a ni dawn tih a sawi. Garibashvili hi kum 2019 - 2024 inkarah khan dan loa sumdawnnaah a inhnamhnawih nia puh a ni a, a sum lak luh dan pawh dik lo takin a tarlang niin an sawi. Kum 2023 October thla khan a chenna in leh a thurualpui nia sawi mi dangte in dapnaah pawisa fai, USD mtd 6.5 man a ni a, heta ṭang hian a chungchang hi chhui zui a ni ta a ni.

Kum 43 mi, Garibashvili hi kum 2013-2015 leh 2021-2024 khan Georgia prime minister a ni. Garibashvili bakah hian state security service hotu hlui, Grigol Liluashvili pawh thamna laa puhnaah kum 15 tang tura hrem a ni bawk.