Japan leh SKorea hruaituten summit meeting nei

Japan prime minister Sanae Takaichi leh South Korea president Lee Jae Myung te chuan nimin khan Japan khawthlang lam, Nara-ah summit meeting an nei a, security leh economy lama thawhdunna zau leh nghet zawt neih dan tur an sawi dun.

Nimina meeting-ah hian Korean peninsula chungchang pawh sawi dunin, North Korea-a Japan mi hren mekte chhuah an nih theih dan tur te, artificial intelligence leh semiconductor lamah ram pahnihte thawhdunna turte pawh an sawi bawk. Japan PM Takaichi chuan kum 2026 chu kum dang zawng aia Japan-South Korea in inlaichinna ṭha an neih kum atana siam an duh tih a sawi.

SKorea PM hian kar liam ta khan Beijing-ah China president Li Xinping a lo hmu tawh bawk. Tun hnaiah China leh Japan inkar boruak a ṭha lo hle a, hetih lai hian Lee chuan ram pahnihte nena anlaichinna chu South Korea tan a pawimawh dan a in ang ve ve tih a sawi a ni.

Lee hi Japan-ah hian ni hnih a cham dawn a, vawiin hian kum zabi 7 leh 8 hunlaia sak, Horyu Temple a tlawh ang. Japan rama South Korea chengte nen hun an hmang ho bawk ang.