Baghdad bula sipai base rocket-in kap

Iraq sipai chuan nimin khan thuchhuah siam­in an ram khawpui Baghdad bula sipai base chu Katyusha rocket paliin a fuh tih leh mi paruk an hliam tih a sawi. Rocket tlakna hmun hi Baghdad airport bul, chhimthlang lamah a ni a, Iraq sipaite chuan a bul vel an enchian hnuah rocket kahchhuahna leh rocket, khawl lama ṭhat lohna a awm avanga la kahchhuah lohte pawh an hmuchhuak a ni. 

Iraq interior ministry chuan rocket-in a bitum sipai hmun hi US sipaite awmna hmun a nih thu sawi­in, hlima tuarte erawh hi Iraq sipai vek an ni thung a, building eng emaw zat a chhe bawk. US sipaiten Baghdad khawpui lailia Green Zone an puan leh hmun danga sipai awmna hmunte chu firfiak leh helte chuan laipui leh rocket hmang­tein an bei fo a ni. Iraq sipaiten nimina thuchhuah an siamah hian rocket hmanga inbeihna hi engtik huna thleng nge tih leh tute tih nge an tarlang lo. 

Iraq sipaite ṭanpui tur hian US chuan sipai 5,000 vel a dahlut a, Isla­mic State (IS) firfiakte an beih­na kawngah an thawh­pui ber a, training-te pein thurawnte pawh an pe ṭhin bawk a ni.