2018-ah khawvel puma ralthuam hralh 5%-in a pung
Stockholm International Peace Research Institute (SIPRI)-in report a tihchhuahah nikum, 2018 khan khawvel puma ralthuam zawrh chu 5%-in a pung a, United States-ah ralthuam zawrh a tam ber.
Khawvela ralthuam siamtu lian zual 100-ten nikum chhunga an sum lakluh zat chu $ tld 420 zet a ni a, US-a ralthuam siamtute chuan ralthuam hralhchhuah zawng zawng aṭanga 50% zet lalutin $ tld 246 an lalut tling a ni.
US dawtah hian Russia chu awmin, khawvel ralthuam hralhna aṭanga 8.6% chu an hauh pha thung a, United Kingdom-in dawtin 8.4% an luah pha ve thung. Palina chu France an ni a, 5.5 % niin, zirchianna hian China a huam lo a, hei hi data mumal a awm loh vang nia tarlan a ni bawk.
Khawvela ralthuam zawrhna market lian ber chu US firm Lockheed Martin an ni a, anni hian 2009 aṭang khan he dinhmun hi hauh char charin, nikum chhung khan anmahni ringawt hian ralthuam zawrhna aṭangin sum $ tld 47.3 an lalut tling. Hei hi khawvel ralthuam hralhna zawng zawng aṭanga 11% a tling pha hial.