Khawvela tuikhawhthla sang berah tui a tlem

South Africa chhim lam, Zambia leh Zimbabwe ramria awm Zambezi River an tih, khawvela tuikhawhthla sangber Victoria Falls-ah tui khawhthla a tlem thu thuneitute chuan an sawi.

Victoria Falls-ah hian tui­khawh­thla a tlem chhan chu khawkhen vang niin ṭhenkhat chuan an sawi. Khawvelin lum lam a pan vang leh ram tihchereu nasat vanga sik leh sa inthlak chak vang a nih thu an sawi bawk.

Zambezi River Authority-chuan Victoria Falls-ah hian kum 1995 aṭangin tuikhawthla hi a tlem ṭan thu an tarlang. Zambia president Edgar Lungu chuan sik leh sa inthlak vang a nih a rin thu a sawi ve bawk.

Zimbabwe leh Zambia ramte hian power supply an rinna ber chu Kariba Dam aṭangin a ni a, he dam hi Zambezi River a awm a nih avangin ram pahnihte hian power supply lamah harsatna an tawk chho mek a ni.

Tui tlem chhan hi sik leh sa inthlak vang ringawt a nih loh thu leh, kumtina khawkheng a awm ziah thu Poyry engineering firm hydrologist Harald Kling chuan a sawi thung. International Crane Foun­dation head Richard Beilfuss chuan Zambezi lui, kum 30 chhung a zir chianna sawi chhuakin, sik leh sa inthlak chuan ruahsur dan a tih buai thu a sawi.