Tuialhthei ru-tu sipai 27 man

Peru thuneitute chuan tuilahthei ruk thubuaiah sipai 27 an man a, heng zingah hian official lian tak takte pawh an tel niin an tarlang.

Thuneituten an man­te hi 2013 aṭanga 2018 inkara tuialhthei rua rinhlelh an nih vanga man an ni a, an ram news agency Andina chuan general pathum- Augusto Villarroel, Carlos Mayca leh Moises Chavez-te pawh man zingah hian an tel tih a tarlang.

Ni 10 chhung hren lai­lawk an ni phawt dawn a, hemi chhung hian thu zawhfiah an ni ang. An ram chunga tuialh­­thei semna hmun khawpui lian hrang hrang- Lima, Are­qui­pa, Cajamarca, Huanca­velica, Moyo­bamba leh Cusco-a tuialhthei semte chu heng sipaite hian an lo khawih chingpen nia rinhlelh a ni.

Peru radio station Radio Programas del Peru-in a chhut dan chuan kum nga chhung hian $ 900,000 hu vel tuialhthei chu Peru hian an hloh. Peru sipai thuneitute chuan an mi mante chhui chianaah hian theihtawp chhuahpui a tiam a ni.