Pakistan-a shopping mall kangah mi 3 an thi

Pakistan chhim lama Karachi khawpuiah Inrinni zan rei lamah khan kangmei a chhuak a, mi pathum an thih bakah hliam eng emaw zat an awm tih police-te chuan an sawi.

Police leh chhanchhuah hna thawktute chuan an ram hun zan dar 10 hnuah kangmei chhuak report hi an dawng tih an sawi. Mall-a dawr tam zawk khar a ni tawh a, a neitute pawh an haw tawh hlawm a ni. Kangmei hian thawmhnaw leh plastic lam chi awmna a mankai hnuah a darh chak zual niin thuneituten an tarlang.

Kangmei chhuah chhan hi hriat chian a la ni lo a, chhui zui nghal a ni. Hetih lai hian Karachi chauh ni lo, Pakistan-a khawpuia in sak tam takah hian kangmei chhuak thei laka invenna tur dah a ni hlawm lo a, hei vang hian kangmei a chhuah palhah pawh chhiatna a thlen nasa phah ṭhin a ni.

Karachi hi Sindh province khawpui a ni a, hetiang ang chhiatna hi a hma pawhin a lo thleng fo tawh a ni. Kum 2023 November thla khan shopping mall-a kangmei chhuak vangin mi 10 an thih bakah, hliam 22 an lo awm tawh bawk.