New Zealand-in kuminah inthlanpui nei dawn

New Zealand prime minister Christopher Luxon chuan kumin November 7-ah an ram inthlanpui neih a ni dawn tih nimin khan a puang.

Press conference a neihah, PM Luxon chuan New Zealand mipuiten an ram tana sorkar chak leh ngelnghet din thei tur an thlang dawn a ni, a ti. Airline executive hlui, kum 55 mi Luxon hi kum 2020-ah MP atan thlan niin, kum 2021-ah National Party hruaitu a ni a, 2023-ah prime minister atan thlan a ni.

New Zealand ram inthlanpui hi kum thum danah, a ni ngaiah chiah neih a ni ṭhin. National Party chuan party tenau, New Zealand First leh ACT thawhpuiin ṭangrual sorkar an siam mek. Mahse, mipui ngaihdan lak hrang hrangah Labour party kaihhruai ṭangrual pawlte an dinhmun a ṭha chho viau a, hei vang hian inthlanpui lo awm turah pawh an inbei tawk hle turah ngaih a ni.