South Korea-in AI dan a siam thar

South Korea chuan artificial intelligence (AI) him taka hman a nih theihna turin dan a siam thar a, khawvelah hemi lam kawnga dan siam hmasa ber a ni.

Dan siam thar hnuaiah hian company leh AI siamtute chu content dik loa siam a, AI hmanga thu dik tawk lo thehdarh ṭhin siamṭhatnaah mawhphurhna sang zawk la tura tih an ni. AI model hmang company-te chu mipui hnenah an service chu AI-based a ni tih hriattir tur leh, him taka hman a nih theihna tura hma la tura tih an ni. AI model hmang content siamah pawh AI hman a ni tih lantirna watermark dah zel tura tih an ni bawk.

Science Ministry chuan AI hmanga content siam tih tarlan tel chu AI technology hman dik loh vanga thil pawi thleng tur ven theihna a ni, a ti. Sorkar chuan dan siam zawm lote chu won mtd 30 (USD 20,418) thleng chawitir theih an nih thu a tarlang. Mahse, dan thar siam hi an hriatchian theihna atan hremna hman hma hian private sector te chu ngaihnathiamna kum khat hun pek an ni ang.