Pakistan leh Bangladesh FM te inbia

Pakistan foreign minister Ishaq Dar leh Bangladesh foreign minister Touhid Hossain te chu nimin khan telephone-a inbiain, kawng hrang hranga ram pahnihte thawh dunna nghet zawk siam chungchang an sawi dun.

Bangladesh Foreign Office chuan hruaitu pahnihte hian Pakistan-Bangladesh inlaichinna te pawh ennawnin, trade leh economy lama an thawh dunna tihchak an duh thute an sawi tih a tarlang. Boruak ṭha leh muanawm a awm a, hmasawnna ngelnghet neih a pawimawhzia pawh an sawi dun bawk.

Bangladesh prime minister hlui, Sheikh Hasina rorelna hnuaiah Pakistan nena an an inkar boruak hi a ṭha lo hle a, mahse, kum 2024 August thlaa paihthlak a nih hnuah ram pahnihte hian an inkar siamṭhat tumin hma an la chho a, hma pawh an sawn chho zel a ni. Political leh sipai hruaitute pawh an zin tawn fo tawh a ni.