Japan-in China hnenah panda pe kir dawn

Japan leh China inkar boruak ṭha lo zel avangin, Japan chuan panda pahnih a la neih chu tunkar hian China hnenah a thawn kir dawn. Kum 50 dawn hnuah Japan hi panda nei loin a awm dawn ta a ni.

China hian ram dang hnenah panda hi a kawl tir fo a, neitu nihna erawh a pe lo a ni.An thlahte zel pawh neitu nihna a chelh chhunzawm zel ṭhin. Kum 1972 khan Japan hnenah ram pahnihten boruak ṭha an neih lawmna pualin China hian panda a lo thawn tawh a ni. Japan mipui lawm pawh an hlawh a, an thlahte pawhin ngaihhlut an hlawh chho hle.

Nimin khan China rama thawn an nih hmain a tawpna ber atan panda pahnih, Xiao Xiao leh Lei Lei te en tur hian Tokyo-a Uen zoo-ah mi tam tak an kal a ni. Mi tam tak ticket chang lo pawh an awm. Panda en tur kalte chuan ram pahnih inkar boruak ṭha lo avanga panda te tawrh tir an ni tel chu an duh lo hle tih an sawi. China leh Japan inkar boruak ṭha lo avang hian panda hi China lamin an kawltir leh mai a rinawm rih lo a ni.