Pakistan-in loan $tld 1.3 a puk
Pakistan chuan Thawhṭannni khan Asian Development Bank (ADB) hnen aṭangin loan $ tluklehdingawn 1.3 a puk.
An ram economy tlachhe zel avanga harsatna an tawhte sutkianna turin ADB hnen aṭang hian loan hi a puk a ni. Pakistan Economic Affairs Division leh ADB-te chuan loan chungchanga inremna thuthlung hi an ziak a, "Heng pawisate hi mamawhna apiangah leh kan ecocnomy tih chakna atan kan hmang ang," tiin Pakistan economic affairs Minister Hammad Azhar chuan a sawi.
Kumin July thla khan International Monetary Fund (IMF) chuan kum thum chhung atana rulh turin Pakistan hnenah hian loan $vaibelchhe 6 a puk tir a, nikum August thla khan IMF hnen aṭang hian ṭanpuina sum a dawn bakah, China leh Saudi Arabia aṭangin loan $ tld 10.40 loan a puk tawh bawk.
Nikum August thlaa Pakistan prime minister Imran Khan kaihhruai sorkar thlantlin an nih hnu khan sum leh pai leh hmasawnna kawngah Pakistan hi a tlachhe hle niin media ṭhenkhat chuan an tarlang. An harsatna tawh mek hi tihziaawm a nih theih nan leh, IMF aṭanga pawisa an puk an rulh theihna tur hian Khan chuan China leh Saudi Arabia a be ṭha hle a ni.