Trump leh Russian Foreign Minister-te an inbia

US president Donald Trump leh Russian foreign minister Sergei Lavrov chuan nimin khan Washington DC-ah inbiakna an nei.

He hunah hian US Secretary of State Mike Pompeo pawh a tel a, ram pahnih thawhdunna tur hrang hrang chungchang an sawi a ni. Lavrov hian 2017 May thla khan US hi lo tlawh tawhin, president Trump hi Oval Office-ah inbiakna a lo neihpui tawh a, he hunah hian Russian ambassador Sergei Kislyak pawh a tel a ni. Ram hruaitute hian IS firfiak chungchang an sawi a, an ti tina karah Trump hian thuruk ṭhenkhat a sawichhuak niin khawtlang thuthar thehdarhtute chuan an sawi. 

2017-a inbiakna an neih hi Trump-a'n FBI hotu James Comey a ban tukah neih a ni a, meeting-ah hian Russian photographer tel phalsak a ni a, mahse US media-te erawh chu tel an phalsak lo thung. Hemi hnu hian Lavrov hian US hi a la tlawh leh lo a, nimina Trump inbiakna a neihpui hi a tlawh lehna hmasa ber a ni.

Trump hi Democrats lamin President aṭang paihthlak tumin an bei mek a, December thla chhung hian house-ah fiah hman turin ruahmanna an kalpui mek bawk. Hei vang hian Democrats lam chuan US-a Lavrov zin tur chungchang pawh hi an ngaihven hle nghe nghe.