Chile thlawh-theihna chin hriat lohin a bo

Chile Air Force chuan Thawhṭanni khan an Thlawhtheihna Hercules C130 aircraft chu a bo tih an tarlang. 

Hercules C130 hi Chile chhim lama awm Punta Arenas aṭangin an ram huna Thawhṭanni tlai dar 4:55 khan a thlawk chhuak a, a hnu tlai dar 6:00 khan Antarctica velah chin hriat lohin a awm zui a ni. 

He thlawhtheihnaah hian mi 38 an chuang a, chung zinga 17 chu crew member an ni a, passenger 21 an chuang tel bawk. Mel 770-a hlaa a thlawh hnu velah biakpawh theih an nih tawh loh thu thu Air Force chuan an tarlang. 

Thlawhtheihna bo chhan hi hriat la ni lo mah se a chhui hna erawh ngawrh takin an thawk mek. Hercules C130 aircraft hi sipai thlawhtheihna a ni.