Israel-in Australia direct flight siam dawn

Israel-a airline lian ber  El Al chuan nimin khan an ram aṭanga direct-a Australia-a thlawhtheihna thlawk tur an siam dawn tih sawiin, hei hi Israel aṭanga Australia direct flight hmasa ber tur a ni ang.

Company thuchhuah siam­ah chuan, nakkum April leh May hian vawi thum an thlawhtirin an lettir chhin phawt dawn tih an tarlang a, Tel Aviv khawpui bula awm Ben Gurion Airport leh Australia-a Melbourne inkarah thlawhtheihna hi an service tir dawn a ni. 

An enchhinna hi a hlawhtling a nih chuan thlawhtheihna hi an service chhunzawm tir dawn a, Israel history-ah chuan hei hi an thlawhtheihna thlawk thui ber tur a ni dawn a; darkar 16 leh minute 15 Melbourne thleng tur hian a thlawk dawn a ni. A let leh lamah phei chuan darkar 17 leh minute 45 lai a thlawk dawn.