NKorea-in UN hrekna siam a pawm lo
North Korea chuan United Nations Security Council (UNSC) in an ram hrekna thar a siam chu a pawm lo tih a sawi.
UNSC chuan NKorea hian UN resolution siam palzuta nuclear leh ballistic missile a en≠chhin nawn avangin hrekna na zawk hi a siamthar leh a ni. UN hrekna thar siam hnuaiah NKorea chu ram pawn lama coal a thawnchhuah theih zat chu 60% zetin tihhniam sak a ni a, coal hi NKorea-in rampawn lama a thil thawn≠chhuah aṭanga a sum hmuhna lian ber a nih avangin a sum lakluh thlengin a nghawng thui thei hle dawn a ni. He hrekna thar siam hi NKorea
ṭhianṭha ram, China pawhin a thlawp a ni.
Mahse nimin khan Vice Foreign Minister Han Song Ryol chan an ram khawpui, Pyongyang-ah ramdang palai awmte ko khawmin, UN hrekna siam thar chu an pawm loh thu a sawi. Han chuan hrekna thar siam leh chu an ramin mahni invenhimna tura dikna a neihte palzut sakna a ni tiin, UNSC chu a thuneihna dik lo taka hmangah a puh. NKorea chu enhran bik an nih thu a sawi bawk.