Trump-a chungah China lungawi lo

US President-elect Donald Trump chuan kar kalta Zirtawpni kan Taiwan Prseident Tsai Ing-wen chu telephone-a biain, ram pahnihte thawhdunna tihṭhat turte an sawi dun a, hei hian China a ti lungawi lo hle.

Taiwan ram hi China chuan a ram chhungah a la ngai a, mahse Taiwan chu China sorkar thuhnuaiah a kun duh lo a, mahniin ro a inrel a ni. Mahse heti chung hian China chuan a rorelna hnuaia a awm leh theih hun a nghak reng a ni.

US chuan Taiwan thliarkar chunga thuneituah China hi a pawm a, hei vang hian kum 1979 khan Taiwan nen an inkungkaihna pawh alo titawp tawh a ni.

US kalphung kalh a, one-China policy zah tura a intiam tawhna palzut a, President thar turin Taiwan ram hruaitu a bia hi China chuan hrethiam lo hle. China Foreign Ministry thupuangtu Geng Shuang chuan US chuan a intiam tawhnate chu a vawng tur a ni tiin, ìChina ram pakhat chauh a awm a, Taiwan hi China ram chhung ami, lak hran theih loh a ni a, China ram aiawhtu dik tak chu China sorkar hi a ni. Hei hi khawvel pum pawhin a pawmpui thudik awmsa a niî a ti. One-China policy chu China leh US inkungkaihnaa an innghahna pui ber a nih thu a sawi a, US pawhin a ngaihdan hi a thlak danglam a rin loh thu a sawi bawk.

Trump leh Tsai-te inbiak hnu hian White House chuan one-China policy chu a thlawp chhunzawm reng tih thu a sawilang nghal a ni.