Syria sipaiten Aleppo khaw chhak lam la let

Syria sipaiten chuan sorkar laka helho kut aṭangin Aleppo khawpui khawchhak lam zahve vel an la let tawh.

Syria khawchhak lam khawpui, Aleppo khua hi helho kutah a awm avangin Syria sipaite hian laklet tumin beihpui an thlak a, sipaite hi Lebanon, Iraq leh Iran sipaiten an pui a ni. Kar kalta aṭang khan khawpui hmarchhak lam thlurbingin, helho hi khawpui laili lamah an nawrchep tawh a ni. Hetihlai hian khawpui chhim lamah erawh chuan helhoin sipaite hi an lo dang thei a ni.

Aleppo khuaa inbeihna thleng vang hian khawpuia cheng mi 31,000 chuang zet chu an tlanchhe tawh niin United Nations chuan a tarlang.

Syria Civil Defence chuan Inrinni-a Aleppo khawchhak lama inbeihnaah hian mi paruk an thi niin an sawi a, Tariq alóBab leh alóKhaterji district te chu helho kut aṭangin a la tawh tih a sawi bawk.