Cuba hruaitu hlui Fidel Castro thlahliam ta

Cuba President hlui Fidel Castro-a vap chu nimin khan Santiaga de Cuba-a Santa Ifigenia thlanmualah phum a ni ta.

Kum 90 mi nia November 25-a thi, Fidel Castro-a hi an ram khawpui Havana-ah hriatrengna hun hman a nih hnuin, ni thum chhungin a vap hi an ram chhung hmun hrang hrangah fankual pui a ni. Inrinni khan Santiago de Cuba khua hi thlenpui a ni a, an ram mi ropui tak takte an lo phum tawhna, Santa Ifigenia thlanmualah phum a ni ta a ni.

Nizan khan Satiago khuaa Antonio Maceo Revolution Square-ah Fidel Castro hriatrengna inkhawm hi buatsaih a ni a, a nau leh Cuba President ni lai Raul Castro-aín thu a sawi. Raul Castro chuan Fidel Castro-aín a lo ngen tawh angin, an rama vantlang hmun pawimawh leh kawtthlerte a hming chawi tir a ni dawn lo a, hei bakah hian hriat≠rengna lung emaw, a lim emaw pawh siam a ni dawn lo tih alo sawi tawh a, hei hi Fidel Castro-a duh dan a ni, a ti.