Italy mipuiten PM reform plan an hnawl PM Renzi-a’n banna a theh lut

Italy Prime Minister Matteo Renzi-aín an ram danpui siamṭhatna tur, constitutional reform plan a siam chu mipuiten an hnawl a, hei vang hian Renzi chuan nimin chawhnu khan President Sergio Mattarella hnenah PM a nihna aṭanga banna a theh lut tur thu a sawi.

Pathianni khan PM reform plan chungchangah Italy mipuite ngaihdan lak a ni a, vote 70% dawn a tla. Vote thlaktu zinga 60% in PM ruahmanna siam hi an hnawl.

Renzi chuan mipuite duhthlanna chu a zah thu leh, mawhphurhna a lak tur thu a sawi. A ruahmanna siam duh lotu, No camp lam chuan rawtna an neihte chiang taka an tarlan a ngai dawn a ni, a ti.

Vote lak a nih hma hian Five Star Movement lam chuan PM rua≠hmanna siam hi nasa taka dodalin, No camp campaign an kalpui a ni. No camp campaign hi populist party hrang hrangten an thlawp a ni. Eptu pawl, Northern League hruaitu Matteo Salvini chuan mipuiten hnehna an chang ta niin a sawi.