Italy PM-in banna thehluh hun titlai

Italy Prime Minister Matteo Renzi chuan an ram danpui siamṭha tura a ruahmanna mipuiten an thlawp loh avangin PM aṭanga a ban tur thu a lo sawi tawh a, mahse dan ang taka banna lehkha a thehluh hun tur chu a tikhawtlai rih dawn tih a sawi.

Matteo Renzi chuan sorkarin danpui siamṭhatna tura ruahmanna siam chungchanga mipui vote lakah an chak zo lo chu a mawhphurhnaah lain a ban tur thu hi a lo sawi tawh a ni. Renzi hian Thawhṭanni zan khan cabinet meeting a ko a, hemi hnu hian banna thehlut turin President Sergio Mattarella chenna in a pan nghal a ni. Mahse President Mattarella hian Senate-in budget hma chu a hna la chelh rih turin a ngen a, hei hi a remti a ni.

State budget 2017 hi Parliament lower house chuan a pass tawh a, Se≠nate pawh hian a pass thuai rin a ni.

PM Renzi-a thlak tura hming sawilan zingah Finance Minister Pier Carlo Padoan chu a langsar ber. Hetihlai hian eptu lam chuan inthlan ṭhat buatsaih thuai an phut thung.