Venezuela-in bank note thar siam dawn

Venezuela sorkar chun an ram pawisa, bolivar note thar a tichhuak dawn a, heng zingah hian bolivar 20,000 note pawh a siam tel dawn.

Venezuela ramin pawisa note a neih lai zinga a sang ber chu bolivar 100 a ni a, hei hi market rate-ah US pawisa cent thum vel nen a intluk a ni.

Thuchhuah siamin, Venezuela central bank chuan December 15-ah pawisa note thar hi a ti≠chhuak dawn a, note thar hi bolivar 500 aṭanga 20,000 thleng siam a ni ang. Bolivar 20,00 leh US dollar 5 a intluk a ni. Bolivar 500 aia tlem chu a note siam tawh loin, pawisa thira siam a ni thung ang.

Khawvel pumah crude oil man a tlakhniam avangin Venezuela hian a tuar nasa hle a, sum lamah harsatna lian tak a tawk mek a, ramchhungah thil man a sang chak a, hei bakah hian an duh ang zat thil lei tur pawh a awm mumal lo. Kum 2015-a an rama thil man sanna chu 180% a tling a, kumin kumtawpah chuan 475% a tlin phak rin a ni.