Indonesia-ah lirnghing vangin mi 54 an thi

Indonesia, Sumatara thliarkar-a Aceh province-ah nimin zing dar 5:03 khan magnitude 6.5-a nain lir a
nghing a, lirnghingin chhiatna a thlenah mi 54 an thi a, mi dang eng emaw zat chu in chim hnuaiah an tang.

US Geological Survey (USGS) chuan lirnghing hi Reuleuet khaw bul aṭanga nghing ṭan niin a sawi a, mahse lirnghing hian tsunami a thlen erawh a hlauhthawnawm lo niin a tarlang.

Lirnghing vanga thi zingah hian naupang pasarih an tel a, hliam na vak lo eng emaw zat an awm bawk. Mosque, in leh dawr tam tak a chim a ni.

Disaster managment agency chuan in chim hnuaia tangte chhanchhuah hna thawh mek a nih thu a sawi a, hmun ṭhenkhatah chuan khawl a hman ngam loh avangin kutin in chimte hi an thianfai a ni.

Nimin zinga lirnghing hi Aceh province chhung hmun tam zawkah an hria a ni.

Kumin chhungin Sumatra thliarkarah hian ṭum eng emaw zat lir a nghing tawh a, June thla khan magnitude 6.5-a naa lirnghingin, in tam tak a tichhia a, mi eng emaw zatin hliam an tuar bawk. Kum 2004-a Indian Ocean hnuai aṭanga lirnghing na takin tsunami a thlen vangin Aceh province-ah hian chhiat≠na rapthlak tak a lo thleng tawh bawk. Hemi
ṭuma tsunami thleng hi Indian Ocean chhehvel ramten tuarin, mi 170,000 zet an thi a ni.