France President-in PM thar tur a ruat

France President Francois Hollande chuan Prime Minister Manuel Valls thlak turin Interior Minister ni lai Bernard Cazeneuve chu Thawhlehni khan a ruat.

Manuel Valls hian nakkuma President thlanna neih turah chuh a tum avangin campaign lama insawrbing tumin banna a theh lut a, President chuan a banna hi pawmin amah thlaktu tur hi a ruat nghal a ni.

Kum 2014-a cabinet siksawi a nih khan, khatih laia deputy minister in charge of budget, Cazeneuve hi interior minister-ah dah a ni. Cazeneuve hian state inrelbawlna kawngah tawn≠hriat a nei ṭha a, sorkarin a ngaih pawimawh - security leh firfiaka chetna do let dan chungchanga pawh a hre≠chiang hle nia sawi a ni.

Cazeneuve hian Socia≠list party kaihhruai sorkar term tawp hun, nakkum May thleng PM hna hi a chelh ang.