Thihchilh bomb hmangin Afghanistan-a damdawi-in bei

Afghanistan official-te chuan nimin khan thihchilh bomb hmanga Kabul hmar lama awm, American Bagram Air Base bula damdawi-in sak mek chu beih a nih thu an tarlang. Dr. Sangin chuan damdawi-in sak mek bulhnaia thil dahkawmna hmun ṭhenkhat a kan chhiat thu a sawi. Bomb hmanga beihnaah hian thi an awm loh thu leh hliam panga an awm thu Sangin chuan a sawi bawk.

Bomb tipuaktute hi tute nge tih hriat la ni lo mah se, Afghanistan leh a chheh vela firfiaka che ṭhin, Taliban leh Islamic State (IS) firfiakte thil tih a nih an rin thu media ṭhenkhatte chuan an tarlang. Thihchilh bomb tipuaktu hian US sipai ralthuam motor dah khawmna hmun chu beih a tum ber a nih thu Afghanistan official-te chuan an tarlang bawk. He bomb tihpuahna hmun hnaiha chengte tan hian damdawi-in hi sak a ni.