New Jersey-a inkahna thlengah mi 6 thi

New Jersey, US-a Jersey City hmuna misual pahnih leh police-te inkahnaah mi 6 an thi a, an zingh hian police officer Joseph Seals a thih thu police-te chuan an tarlang.

Silaia inkahna thlenna hmun hi Jersey City-a JC Kosher Supermarket-ah a ni a, police-te nen rei fe an inkah hnuah pawikhawhna thlentu misual pahnihte hi police-te chuan an kaphlum nghal a ni. Civil mi pathum an thi tel bawk. 

Firfiakte chetna nge, inhuatna avanga thil tih zawk tih engmah finfiahna a la awm loh thu Jersey City Police Chief Michael Kelly chuan a sawi. He inkahnaah hian police officer pahnihin hliam an tawrh bakah, civil mi inhliam an awm nual.

U.S. president Donald Trump chuan he pawi­khawih­na thleng hi a dem thu sawiin, theihtawpa tualchhung police-te thuam chak a nih tur thu leh, thi leh hliam chhungte a tawrh pui thu a twitter-ah a tarlang.