US-in Mexico minister hlui a man
Mexico security minister hlui Genaro García Luna chu ruihhlo tawlhrutu pawl aṭangin thamna laah puhin United States-ah man a ni.
Genaro García Luna hi El Paso-a Sinaloa ruihhlo tawlhrutu pawlte Mexico-a ruihhlo tawlhruk phalsakah puh a ni a, thubuai ngaihtutute chuan García Luna hian Sinaloa-ten him taka ruihhlo an thawn theihna tur leh an inven thiam theihna turin hma a lakpui tih an sawi a, hemi avang hian dollar maktaduai chuang a dawng niin an sawi bawk.
García Luna hian an puhna hi pha mah se thubuai ngaihtu lam hian ṭum hnih lai ruihhlo tawlhrutu pawl hian briefcase-in dollar mtd 5 an hlan tawh thu an sawi thung. Kum 53 mi Luna hi president Felipe Calderon hnuaiah khan 2006 leh 2012 inkarah khan public security chief-in a awm ṭhin a, Thawhlehni khan Texas-ah hian man a ni ta a ni.