Italy PM Renzi a bang ta

Italy Senate-in 2017 budget a pawm tak avangin Matteo Renzi chu Prime Minister aṭangin a bang ta.

Metteo Renzi hian sorkarin ram danpui siamṭhat ruahmanna siam chungchanga mipuite ngaihdan an lakah, an chak zawh loh avangin mawhphurhna lain ban a tum thu a lo sawi tawh a ni. Mahse President Srgio Mattarella-aín Senate-in state budget a pass hma chu a hna hi lo chelh rih tura a ngen avangin banna a thehluh hun hi a titlai a ni.

Nilaini khan Senate chuan budget hi a pass tak avangin Renzi chuan zan dar 7-ah banna lehkha a thehlut nghal a, hei hi a twitter-ah pawh a ziaklang a, Italy mipuite hnenah lawmthu a sawi nghal bawk. PM aṭangin bang mah se, Renzi hian an party, Democratic Party (PD) hruaitu a nihna aṭanga ban erawh a tum thu a sawi tel lo.

Eptu party-te chuan Pathianni-a mipuite ngaidan lakah sorkar rawtna hnawlsak a ni chu mipuiten PD kaihhruai ṭangrual sorkar an rin tawk tawh lohzia lantirna a ni tiin, inthlan ṭhat buatsaih an phut.