Indonesia lirnghinga thi 97 an tling tawh

Indonesia, Aceh province-a Nilaini-a magnitude 6.5-a naa lirnghing vanga thi chu mi 97an tling tawh a, in chim hnuaiah mi eng emaw zat an la tang bawk.

Lirnghing tuar na ber, Pidie Jaya khuaah chuan in 245 a chim a, a ṭhenawm Bireuen district-ah pawh in, dawr leh mosque eng emaw zat a chim bawk. Lirnghing vang hian kawngpui a khi nasa a, electric ban tam tak a tlu bawk a, hei vang hian Pidie Jaya chuan power supply an nei lo.

Pidie Jaya hi Aceh provine hmarlama awm niin, mi 150,000 vel an cheng. Nilaini-a lirnghing hi, he khua aṭanga km 110 vela hla, province khawpuiah pawh an hre pha a ni.

Official-te chuan Aceh-a lirnghing tuarte chuan ei tur leh tui thianghlim an mamawh hle tih an sawi a, Indonesian Red Cross chuan tui phur motor, ambulance bakah chhawmdawlna dangte an tir tawh a ni.

Sipai leh police officer tam tham tak chu lir≠nghing tuarte awmna tur siam tura tirh an ni. Province disaster mitigation agency chuan lirnghing vang hian hliam tuar mi 600 chuang an awm niin a sawi a, Pidie Jaya-a damdawi chu damlo an khah vek avangin damlo ṭhenkhat chu damdawi-in kawtah an mutna turte siamsak an ni.