Indonesia President-in lir nghinna hmun a tlawh

Indonesia President Joko Jokowi Widodo chuan nimin khan lirnghing vanga chhiatna nasa tak thlenna, Aceh province a tlawh a, lirnghingin thil a tihchhiatte din thar leh a tiam.

Lirnghing inṭanna
aṭanga hla vak lo. Tringgading-a mosque chimna hmuna President hi a chawl a, in chim avanga thi chhungte hnenah rupiah maktaaduai 15 ( dollar 1,125) a sem a ni. Mipui pungkhawmte hnenah mosque chu a rang thei anga sak ṭhat leh a nih tur thu a sawi.

Nilaini-a Aceh province-a lirnghing vanga thi hi mi 100 an chuang tawh a, mi tam takin hliam an tuar bawk. Lirnghing vang hian in 11,000 chuang zet chim leh chhia a awm a, mi 10,000 chu an chenna in a chim avangin sorkarin awmna tura a buatsaih lailawkah an khawsa mek a ni.

Sorkar, sipai leh international humanitarian organization-te chuan lirnghing tuarte chhawmdawlna tur an buaipui mek. President chuan Sigli khuaa damdawi-ina hliam tuar enkawl mekte a tlawh nghal bawk. Damdawi-in hi lirnghing vang hian a chhe ṭhen a, hliam enkawl ngai an tam avangin damdawi-in kawtah puan-in kaihin damlo tam tak dah an ni . Jokowi chuan hliam tuar enkawl mekte hnena hian rupiah maktaduai 5 ( dollar 375) ṭheuh a pe bawk.