Marine Le Pen-i’n dan loa lutte a thlawna zirna pek duh lo

Franca far-right hruaitu Marine Le Pen-i chuan an rama dan loa pem lut fate hnena a thlawna zirna pek ṭhin chu tihtawp a duh thu a sawi.

Kum 2017-a France President thlanna neih tura National Front candidate tur, Le Pen-i chuan Paris-ah thu a sawiah ramdang mite chu huatna a nei hran lo tih a sawi a, ìMahse kan rama in rawn luh chuan kan enkawl leh kan chawm vek te, in fate a thlawna zirna pekte chu beisei suh suî a ti. Le Pen-i hi an rama pem lut zat titlem turin a campaign nasa hle a, kum khatah pem luh phalna pek zat chu 10,000 ah tihhniam a duh a ni. Hei bakah hian zirna lam chungchang pawh a sawichhuak fo a, kum 2014 khan Muslim leh Juda-te tan school-a hmeh tur atana vawksa aia thildang pek ṭhin ngai chu a lo sawisel tawh bawk.

President thlanna neih turah hian Le Pen-i hi candidate zinga second round thleng thei tur mi pahnih zinga a tel rin a ni. Mipui ngaihdan lak hnuhnung berah chuan centre-righht candidate Francois Fillon nen an intluk tawk hle a ni.

Le Pen-i chuan a thlawna zirna pek chhunzawm tawh lo tura a duh chu dan loa lutte chauh an ni tih a sawi. Hemi rual hian an rama dan phalna hnuaia ramdang mi awm, an state education system hmangte chu chhiah chawi ve ngei tura a duh thu a sawi bawk.