Berlin-ah Iran-a nawrh huaihawtte thlawpna lantir

Iran sorkar laka lungawi lohna lantira nawrh huaihawtte thlawpna lantirin, nimin khan Berlin, Germany-ah mi tam takin kawng an zawh.

Berlin police-te chuan Berlin-a Branderburg Gate-a pungkhawmte chu mi 8,000 vel an nih thu an sawi. Hetih lai hian tel tuma in register chu mi 20,000 vel an ni. Mahse, khua a nawm loh avangin flight tam tak cancel a ni a, hei vang hian kal thei lo an tam phah ta niin Shahin Gobadi, a member of the foreign affairs committee of the National Council of Resistance of Iran (NCRI) chuan a sawi a, pungkhawm hi 10,000 an tling niin an sawi ve thung. Kawng zawhnaa tel tum, US secretary of state hlui Mike Pompeo pawhin a thlawhtheihna cancel a nih avangin online-in a zawm.

Iran mipuite hian nikum December thla khan an ram pawisa hlutna tlahniam leh, thil man sang zel vangin lungawi lohna an lantir a, hei hi punlun zelin a hnuah an ram sorkar policy duh lohna lantir chhunzawmin khawpui hrang hrangah nawrh hi an huaihawt a ni. Security force-te nena an intihbuainaah nawrh huaihawt zinga tam tak an thi bawk. Berlin-a Iran mipui thlawpna an lantir hi pawl hrang hrang 344 in an thlawp a ni.