Trump-a'n Feb 19-ah Board of Peace meeting ko

US president Donald Trump chuan Gaza Strip-a indona a tawp hnua a inrelbawl dan, security leh tihhmasawnna tur ngaihtuah tura a din, Board of Peace meeting hmasa ber chu February 19-ah a ko. Washington-ah meeting hi neih a ni dawn a, Gaza Strip din tharna tura sum hmuh dan tur an sawi ho dawn nia tarlan a ni.

Trump hian board-a tel tur hian ram hrang hrang, US thawhpui ram ni kher lo hruaitute pawh a sawm nual a, tam takin an pawm tawh a ni. Board zawm zat tak hi sawi chian a la ni lo a; mahse, official chuan meeting-ah hian tel an ṭhahnem hle an beisei tih a sawi.

US sorkar chuan Gaza Strip-a inremna a awm theihna tura ruahmanna a siam thawh hnihna kalpui a nih theihna turin a nawr chhunzawm zel. Trump-a makpa, Jared Kushner chuan January thla khan board-in Gaza Strip din tharna leh, investment tih dan tura a hmahlir neih hrang hrangte a lo puang tawh bawk.