NKorea hotuin foreign policy puang dawn

North Korea chuan February thla chhungin political conference a buatsaih dawn a, he hunah hian an ram hotu Kim Jong-un chuan kum nga chhung atana domestic leh foreign a siamte a puang dawn.

Rorellai, Workers' Party congress hi kum 2016 leh 2021 khan neih a lo ni tawh a, kuminah neih a ni leh dawn a ni. Korean Central News Agency chuan Kim kaihhruaia party political bureau inhmukhawm chuan congress neih hi an rel a, mahse, an neih ni tur tak erawh an sawi lang lo. Congress hian ni eng emaw zat a awh rin a ni.

Tun hnaiah Kim hian an ram ralthuam enchhinna hmun bakah sipai hmunte tlawhin, economic project hrang hrang an kalpuite pawh a enfiah bawk. North Korea ram hotu dinhmun hi kum 15 a chelhna niin, congress neih tur pawh a thuneihna tihnghehna zelna tura ngaih a ni bawk.