US leh Taiwan-in insumdawn tawnna tur inremna tifel

US leh Taiwan chuan Ningani khan imsumdawn tawnan tur inremna an tifel a, chhiah lak tur pawh an tichiang nghal. US chuan Taiwan aṭanga bungrua a chawk luhah chhiah 15% a la dawn a ni. Taiwan pawhin US bungrua a lak luhah chhiah lakte a tihniam dawn bawk.

U.S. Trade ‌Representative office chuan inremna an siam hnuaiah Taiwan chuan US bungrua a chawk luh pawh kum 2029 thlengin a tipung dawn. A lak luh tur zingah hian USD tld 44.4 hu liquefied natural gas leh crude oil, USD tld 15.2 hu civil aircraft leh engine bakah power grid equipment leh generator, marine leh steel siamna hmanrua USD tld 25.2 hu an tel dawn a ni.

Taiwan chuan US thlai thar bakah bawngsa leh bawnghnute a lak luhah chhiah 26% a lak ṭhin ch a titawp nghal a, hei bakah vawksa leh sa danga 40% chhiah a lak chu 10% ah a tihniam bawk. U.S. ​Trade Representative Jamieson Greer chuan American loneitute thil thawn chhuah a pun phah dawn tin sawiin, Taiwan nena economy leh sumdawnna lama an thawh dunna pawh a nghetin a zau phah dawn a ni, a ti.