Myanmar-ah Suu Kyi thlawpna lantirin pungkhawm

Myanmar rama Rohing­ya Muslim-te suatna thleng nia puh chungchang chu United Nation sang ber,  Netherland-a International Court of Justice ah ngaihtuah mek a ni. Myanmar aiawh lawyer kalte an ram State Councellor Aung San Suu Kyi-in a ho a ni. 

ICJ-a Myanmar chung­chang ngaihtuahnaa Myan­mar legal team hruaia Suu Kyi a tel hian sawizui a hlawh hle, court-a ram aiawh tura politician a inlan chu mi tam takin thil awm lo nia an ngaih thu an sawi. Hetihlai hian Myan­mar-a Yangon khawpuiah chuan Suu Kyi-i an thlawp­na lantirin mi tam tak an pungkhawm. 

Nilainia court-ah a inlan­naah, Suu Kyi chuan an rama tualchhung buaina thleng vanga humanitarian law pal­zutna a lo awm a nih pawhin, insuatna thleng anga sawi khawp tur a ni lo tih a sawi.