California-a vur hlawm tawlh nasa vangin mi 10 chin hriat lohin awm

US-a California state-a Sierra Nevada tlangah Thawhlehni khan vur tlak nasat vanga vur hlawm tawlh, avalanche thlengah skier 10 chu chin hriat lohin an awm.

An ram huna chawhma dar 11:30 velah Truckee-a Castle Peak chu vur tawlh hian a chim hnan a, he thil thlen lai hian skier 16 an awm a ni. Mi paruk chu him takin an chhuak thei a, mi dang 10 te chu an chin hriat a la ni lo. Thawhlehnia vur tawlh hi US chanchina ṭum khata vur tawlh nasa ber nia sawi a ni. Kum 10 liam ta chhung khan US-ah hian avalance vang hian kumtin mi 27 vel thi ziah anga chhut a ni.

California-ah hian khua a vawtin vur pawh a tla nasa hle. Sierra Avalanche Center chuan Thawhlehni zing lam khan avalanche a thlen a hlauhawm thu warning pawh an lo tichhuak a ni. Chin hriat loha awmte zawn hna hi thawh chhunzawm zel a nih thu California governor Gavin Newsom chuan a sawi.