Al-Qaeda 'home base' thar chu Iran : Pompeo

US Secretary of State Mike Pompeo chuan Iran sorkar chu  jihadist network al-Qaeda an ramah an awm an phalsakah puhin Iran Al-Qaeda 'home base' thar chu Iran a nih thu a sawi.

National Press Club-a thu a sawinaah,"Afghanistan-a tlang rama an bihruk ṭhin ang lo takin vawiin hian al-Qaeda-te chuan Iranian regime venhimna hnuaiah hna an thawk a ni," a ti. A thu sawi chungchangah hian finfiahna mumal erawh a nei lo niin BBC chuan an tarlang.

Iranian Foreign Minister Mohammad Javad Zarif chuan Pompeo puhna hi dawt a nih thu sawi thungin 9/11 terrorist zawng zawng Iran-a mi an nih loh thu a sawi. Al-Qaeda's second-in-command Abdullah Ahmed Abdullah,  Abu Muhammad al-Masri Tehran-a a thih chungchang pawh a vawi khatna atan a sawi chiang thei ta tih Thawhlehnia National Press Club-a thu a sawinaah hian a sawi bawk.

Abu Muhammad al-Masri hi nikum nipuiah khan Tehran-ah kah hlum a ni tih report a awm a, mahse Iran chuan he report awm hi a pha a ni. "Iran ram chhunga Masri a awm avangin a ni vawiinah hian helai hmunah hian kan awm. Al-Qaeda-te chuan home base thar an nei a, chu chu Islamic Republic of Iran a ni," a ti.

Kum 2015 aṭang tawh khan Pompeo hian Tehran chu an ram chhunga zalen taka al-Qaeda awm phalah lo puh tawhin awlsam takin an inbe pawp thei tih a lo sawi fo tawh a ni.