Hong Kong court-in Jimmy Lai hremna sut

Hong Kong court chuan media mongul, Jimmy Lai-a'n a office hmun dan kalha thil dang atan hmang tela puhna thubuaia kum 2022-a kum nga tang tura hremna pek a appeal-na chu pawmsakin, nimin khan hremna pek hi a sut. Mahse, thubuai dangah Lai hi kum 20 tang tura hrem a lo nih tawh avangin jail-ah a la tang chhunzawm dawn tho a ni.

Kum 78 mi, Lai hi British citizen a ni a, Hong Kong democracy movement thlawptu leh, China sorkar langsar taka sawisel ṭhin a ni. Kum 1995 khan Apply Daily chanchinbu siamin, a chanchinbu China sorkar sawiselna leh, democracy movement thlawpna atan a hmang ṭhin. Lai leh a staff-te man an nih hnuah kum 2021 khan a chinchinbu pawh tihtawp sak a ni zui bawk.

Hremna pek an sut sak hi Apple Daily office tana a luahah a private consultancy firm hna thawh tir tela puhna a ni a, hei hi dan kalh a ni tih an sawi. Kum 2022 khan kum nga leh thla kua tang tura hrem a ni. Mahse, hremna hi Lai chuan a appeal a, hun rei tak ngaihtuah a nih hnuah sut a ni ta a ni.