Indonaah civil mi 1,097 thi tawh

US leh Israel-in February 28-a Iran an beih hnuah Iran ramah civil mi 1,097 an thi tawh niin US-a Human Rights Activist News Agency chuan a tarlang.

Iran-a beihpui an thlak hnuah US chuan an target 2,000 dawn an kap fuh tawh tih a sawi. US Central Command commander, admiral Brad Cooper chuan America sipaite chuan Iran rama missile siamna hmun leh, anmahni beih let theihna hmun zawng zawng chu an target tih a sawi.

Hetih lai hian Iran pawhin Middle East huam chhung ram danga US base awmna hmun hrang hrangte a bei chhunzawm zel bawk. Riyadh-a US embassy chu drone pahnih hmanga kah fuh a ni a, Dubai-a US consulate pawn lam parking lot pawh drone-in kah fuh a ni bawk a, kangmei nasa vak lo a chhuak a ni.

Saudi Arabia, Kuwaiat leh Lebonon-a US embassy-te chu khar a ni a, US sorkar chuan Middile East-a ram eng emaw zatah America mi awmte chu chhuahsan turin a ti a, mahse, airspace khar a nih vangin tam tak chu chhuak thei loin an la tangkhang mek bawk.