UAE-in indo kaihhnawiha thu dik lo thehdarhte hremna tur tichhuak

US leh Israel-in Iran ram an beih hnuah, Iran chuan US military base awmna Arab ram dangte a bei tel a, a beih zingah hian United Arab Emirates (UAE)-a US hmunhma pawh a tel. Hetih lai hian indo leh ram himna kaihhnawih chungchangah thu dik tawk lo thehdarh a tam hle a, hei vang hian UAE thuneitute chuan hriattirna an tichhuak.

UAE in hriattirna a tihchhuahah, an ram cybercrime law hnuaiah thu dik lo leh finfiahna awm lo thehdarhte chu jail-a tan tir bakah, sum tam tham chawitir theih an ni tih a tarlang. Jail hi kum rei tak pawh tantir theih an ni dawn a ni. Thu dik lo, mipui tichiai leh tibuai thei chi theh darh chu khap tlat a ni, an ti.

Iran-in missile hmanga an ram a beih telnaah Pakistan, Nepal leh Bangladesh mi pakhat ṭheuh an thih tawh bakah, hliam na vak lo 58 an awm tih UAE minsitry of defence chuan a sawi. An air force leh air defence force-te chuan Iran-in an ram a kah tumna tam tak an lo dang chat thei tih an sawi bawk. Mipui leh khualzinte himna turin theihtawpin hma an la reng tih an sawi bawk a ni.