Trump-a'n Kurdish force-te Iran bei turin ti

US president Donald Trump chuan Middle East-a inbeihna thleng mekah, Iraq-a Kurdish force-te chu Iran bei turin a ti. Iraq president, Azerbaijan chuan Iran-in missile hmanga an ram a beihna chu chhan letah a lo vau tawh bawk.

Iran hian Erbil, Iraq-a US sipaite awmna hmun chu drone hmangin a bei a, Kurdish biala Kurdish force headquarters pawh a bei tel bawk nia sawi a ni. Mi pakhat thiin mi dang pathumin hliam an tuar a ni.

Kurdish force chuan Iran-in an headquarters a bei chu an dem thu an sawi a, hei vang hian Iran security force-te beih let dan tur chungchang hi US a sawipui nia tarlan a ni. Hetih lai hian White House chuan Kurdish force-te president Trump-a'n ralthuam pek a tum nia sawi awm chu thu dik lo a nih thu a tarlang.

President Trump chuan Iran mipuite chu an kuta an ram thuneihna a awm theihna tura bei turin a fuih bawk. Iran Supreme Leader Ayatollah Ali Khamenei thlaktu tur thlannaah pawh a tel ve ngei a ngai niin a sawi. Report ṭhenkhat chuan Supreme Leader thar atan Khamenei fapa, Mojtaba Khamenei thlan a ni tawh niin an sawi a, mahse, Iran chuan hemi chungchangah hian sawi a la nei lo thung.