North Korea sipaite chu kan inpeih e: Pak Jong Chon

North Korea chief of the General Staff Pak Jong Chon chuan North Korea, Democratic People's Republic of Korea (DPRK) an tih bawk  hotupa Kim Jong Un thupek ang zelin, an ram sipaite chu a ṭul anga che turin an inpeih thu a sawi.

Pak hian he thu a sawi chhan nia  ngaih chu hmanni lawk khan United States (US) Air Force-ten Los Angeles hmarthlanga awm Vandenberg Air Force Base aṭanga medium-range (ground-launched) ballistic missile an enchhin kha a ni.  Hemi chungchangah hian United Nations-a US ambassador Kelly Craft chuan "North Korea hian missile leh nuclear enchhinna nei fo mah se, an ram security dinhmun a ngheh phah chuang lo a ni," tiin Nkorea chu US-in missile a kahchhuah chungchangah a vau zui a ni. 

Pak chuan defence lamah an ramin hma a sawn belh theih nan, hmanni lawka missile an test-naa hmalatu, Nkorea Academy of Defense Science chungah lawm thu a sawi bawk.