NKorea-in US-SKorea military exercise sawisel
US leh South Korea chuan Thawhṭanni aṭang khan ni 10 awh tur sipai nunchan zirna, joint military exercise chu Korean Peninsula-ah an nei ṭan. North Korea chuan a sawisel nghal a, US leh SKorea chu East Asia boruak muanawm tak tichhiaah a puh.
North Korea ram hotu, Kim Jong-un-a farnu, Kim Yo Jong chuan nimin khan US leh SKorea thiltih chu sawiselin, an ram bul hnai maia an theihna an lantirna chuan nghawng ṭha lo tak, an suangtuah phak bak a thlen thei a ni tiin a sawi. "Kan hmelmate chuan kan dawhtheihna leh theihna nasa tak kan neihte hi enchhin kher tum suh se," tiin a vaukhan. Joint military exercise neih mek chuan an ram security a bawhchhia em tih te, eng thil chiah nge an tihte pawh uluk taka an enzui reng tur thu a sawi bawk.
US-SKorea joint military exercise, Freedom Shield exercise tihah hian ram pahnih sipai 18,000 vel an tel a, field training drill 22 an nei dawn nia tarlan a ni.