Australia-in UAE tan missile thawn dawn

Australia prime minister Anthony Albanese chuan United Arab Emirates (UAE) tan missile an thawn dawn tih a sawi a, hei bakah military surveillance aircraft pawh an thawn tel dawn bawk.

US leh Israel-in Iran an beih hnuah, Iran hian Gulf rama US military base awmna ram hrang hrangte a bei let tel a, UAE pawh missile hmangin a bei a ni. Hei vang hian Australia chuan Iran beihna laka Gulf ramte lo ivenna turin a pui dawn tih a sawi a, mahse a sipaite erawh tir a tum lo.

Albanese chuan Middle East buaina thleng mekah an lo inrawlh vena tur chu invenna lam thilah chauh a ni dawn tih sawiin, an ṭhianṭha UAE ram invenna tura puihna leh, Australia mi awmte venhimna tur atana an tih a nih thu a tarlang. Gulf ramte airspace venna kawnga pui turin E-7A Wedgetail airborne early warning and control system aircraft an thawn dawn tih a sawi a ni. UAE hnena an thawn tur hi medium-range ‌air-to-air missile a ni a, UAE president Mohammed bin Zayed Al Nahyan nena inbiakna an neih hnuah Albanese hian an thutlukna siam hi a puang a ni.

Middle East-ah hian Australia mi 115,000 vel an awm mek a, indona a thlen hnuah an zinga 2,600 chu commercial fligh hmangin an ramah an kir tawh.