Chile President thar Jose Antonio Kast la lut

Chile president thar atan right-wing Jose Antonio Kast chu Nilaini khan rinawmna thu tiam tira lak luh a ni.

President atana lak luh a nih hnua La Moneda presidential palace-a pungkhawmte hmaa thu a sawiah, Kast chuan an rama pawikhawihna hluar zel te, sum leh pai dinhmun ṭha lote chu a kaihhruai sorkarin siamṭhat a tum hmasakte an ni tih a sawi. Sorkar hmasa, left wing sorkar hnuaiah an ram dinhmun chu an rin aia nasain a lo chhe zawk tih a sawi bawk. Hei vang hian Chile ram chuan emergency sorkar a mamawh a, chutiang chu an ni dawn tih a sawi.

Kast chuan an rama dan loa pem lutte dap chhuah a tiam a, pawikhawihna thleng ṭhin pawh a ziaawm theihna tura hma lak a, an economy siamṭhatna turin sorkar sum hman tihtlem a, market-friendly policy siamte a tiam bawk.